繼續記低忽悠事件.......

[其實之前仲漏記了一單: AIG的語言暴力面試, 去年8月的事了....仲記得見完之後, 完全唔明點解要搵我去見?!?!?!?]

1. BBG: 生死未卜
2. E*T: 無下文
3. 某agent: 有心無力
4. 某資產管理: 唉.....同之前無提及的Zurich一役一樣, 都係唔做喇.......><"
5. 下個禮拜一再見另一個agent, 麻木了, 真係麻木了...........[Jan15後記: 果然係流野....]

amended on Jan15:
6. 聽日見兩份: 第一份係都好似幾好玩的酒店秘書, 舊同學介紹的 =)
7. 第二份就係招行請的accountant.....所以話.....一係就唔發市, 一係就......密到爆......

其實仲有好多見過的agent....我無係度寫低.....我呢幾個月來收到的卡片, 已經有半寸厚!

猩猩都化喇.......

比人估中你會講"接呢份job".......真係覺得有D醜....其實係好醜: 連三唔識七的第三者都看穿你的心事了!

而且對於你那些憑空捏造, 毫無事實根據的指責, 我都不打算反駁; 反正反駁完, 你都係好似老人癡呆咁唔記得架啦係咪?!?!
天氣凍呀, 我留啖氣暖肚仲好啦!

開始明白某四格的苦處......日日對住D咁既人......人都變猩猩.......

其實, 當呢個每每令我終極憤怒的泉源都激唔到我時, 睇怕當今世上都無乜野會令我動真氣了!

自己轉帖: 2008大事回顧

1. 一月, 比同住了僅僅五個月的flatmate飛起, 三月中搬走, 我兩個月內要搵到另一人接手, 否則交唔起租聽訓街
但份租約到7月中就到期, 而且因為業主之後根本想收樓的關係, 份約根本唔會renew - 試問邊個會租四個月呢?! 租的話, 會係D咩野人呢?!

2. 二月, HK好凍, 但我簡直係又心裡面凍出來: 因為新flatmate果度幾乎被呃; 同時我居然desperate到去睇果D套房..........omg........環境優美到無朋友......
因為壓力太大, 收到人生第一份bonus的我居然沒有感覺, 真係諗返起都驚.......

3. 三月, 一向對於我幾乎要訓街無動于衷的家人終於出手打救, 安排我去親戚度住; 雖然有返個shelter, 但我已經變成了驚弓之鳥.....覺得無乜野比搵多個錢傍身更重要; 當時市道依然暢旺, 而我經agent介紹下, 就離開左做左接近一年的某銀行, 去了某基金公司....此舉也為我其后的哀歌買下伏線...

4. 四月底正式上班 - 第一日返工已經覺得公司氣氛好怪....

5. 五月, 氣管敏感惡化; 咳到失控的程度; 但初期居然被誤診為傷風.....嘩.....連抗生素都食埋
有段時期.....我去看醫生那些藥袋, 霸佔了飯桌書桌不少位置.....

6. 六月, 氣管繼續時好時壞; 加上我根本fit in唔到我的新公司新崗位, 壓力好大, 繼而有回toronto的念頭

7. 七月, 回toronto/留港繼續係我腦袋激烈拉鋸, 精神大受困擾 - 最後決定點都好, 辭職再講; 同時決定去德國10+1日 - 10日跟團, 1日自行安排到不來梅睇波!!!

8. 八月初考了德文"A1"證書後, 月中在德國渡過了"最美麗的11天"; 係行程中都諗通左......返去toronto, 只會是惡夢再開端....

9. 九月, 罹難兄弟罹難, 當初還以為香港受的影響會係好間接....個浪會最遲湧埋黎, 點知......

10. .......十月就開始覺得自己上述的諗法, 未免太傻太天真
不過呢.......都係呢個月開始.....我終於都不再獨行喇

11. 十一月, 由酷熱警告搵工搵到有寒冷警告, 都係繼續被狠狠忽悠!

12. 十二月.......咩野都化了.....今年事業同身心健康方面, 真係我做左人1/4世紀以來最具挑戰性的....好amazed自己仲未死得, 未崩潰.....仲係好正面.....今日12月30日, 我還有一個interview去見呢! 其實過左xmas呢幾日後, 個人refreshed左好多, 好似有返力量預備2009年再努力過咁!

Conclusion: 呢年過後, 我經歷左一般人要幾年先經歷過既野; 2009年係我一個人回流後的第三年, 而經過咁多事......我已經好累, 就比我平平淡淡過一年啦, 好嗎?

仲有就係......我希望我呢世人都唔會好似呢幾個月咁窮困啦......